اسباب ضعف الانترنت وارتفاع البنج فى الواير لس - (ميكروتك افريقيا ) الموقع الرسمى

اسباب ضعف الانترنت وارتفاع البنج فى الواير لس



اسباب ضعف الانترنت وارتفاع البنج فى الواير لس 
كتير مننا بيشتكى احيانا من بطء الخدمة عند العملاء وارتفاع البنج بشكل ملحوظ فى الشبكه
ودا كله بيرجع للاسباب الاتيه
1 - احد الاكسيسات فى الشبكه رابط على اشاره ضعيفه
2 - ميل برج الارسال فى احد الاتجاهات ودا بيخلى ناحيه فيها اشاره عاليه وناحيه لا
3 - احد الاجهزة المتصله بالشبكه مصابة بفيرس خصوصا فيرس التروجان
4 - دى ان اس الموجود فى الميكروتك بيكون احيانا واقع او البينجات عليه عاليه جدا
5 - ضعف الكهرباء الواصله لاجهزة ارسال او الابراج الرئيسيه ودا بيسبب تهنيج الاجهزة وعدم قدرتها على العمل بكفاءه او بالشكل الطبيعي
6 - تحميل الاكسيسات فوق طاقتها بمعنى مثلا عندى البوليت بشيل من 30 الى 35 يوزر اون لاين وشبكتى بقى فيها عملاء يتعدى الرقم دا اون لاين طبعا دا حمل زياده على الاكسيس بالتالى كفاءة الخدمة بتقل عند العملاء
7 - العمل على شنل فيها نويز كتير او شنل مش بتدينى الكفاءة الطبيعيه للاكسيس
ومن الاسباب الرئيسيه فى ضعف خدمة الانترنت قبل ما ارفعها واير لس
1 - طول سلك الحراره من البوكس اللى الراوتر مع عدم اختيار سلك نحاس
2 - قوه تحمل الراوتر المستخدم من حيث الداتا اللى بينقلها يعنى لازم نختار نوع راوتر كويس ودا طبعا للناس اللى مش شغالين بريدج
3 - فيه ناس كتير كانت بتلحم الواصله اللى داخله الراوتر من الاسبليتر او من سلك الحراره الرئيسى الى الاسبليتر ودا طبعا من اكبر الاخطاء لان السلك مع الوقت بيأكسد وطبعا بيوقع الخدمه تدريجيا
4 - نوع الاسبليتر لازم يكون اسبليتر كويس
5 - طول السلك الواصل بين السيرفر واكسيس البث لازم السلك ميكونش طويل ويكون من نوع كويس "" سلك النت ""
الاسباب اللى فاتت بيكون سبب فى بطء الخدمة او ارتفاع البنج عند العملاء
اتمنى ان كل اصحاب الشبكات ياخدو بالهم من الاسباب دى ولو منعنا او تفادينا الاسباب دى هيكون اسباب نجاح شبكتك
اتمنى انى اكون ضيفت جديد او معلومه غيرى يستفاد منها

إرسال تعليق

0 تعليقات