أعلان الهيدر

الأحد، 7 فبراير 2016

الرئيسية شرح نظرى اعددات البوليت او البيكوا والبرمجة الصحيحة

شرح نظرى اعددات البوليت او البيكوا والبرمجة الصحيحة






1 - وضعيه الأرسال يفضل اتخاذ هذه الوضعيه فى الارسال access point حتعلم على الخيار auto
2 - فى حالة احتياجك لعمل أكسس ريبيتر على البيكو ..وذلك علي الوضع access point wds
3 - اسم الشبكه الذى تود أن تبث بيه .. فى حالة اختيار لأوبشن hide ستبث الشبكه بالماك فقط ولن يظهر اسمها لأى أكسس
4 - الدوله يفضل اختيار يونايتد ستات (امريكا) 

مثال دوله اليابان + تردد 13 حيديك بنج محترم جدا جدا وأقصى داتا ريت ممكن يستحملها البيكو 
عيوبها : أى جهاز تى بى لنك مش حيقدر يشوف اسم شبكتك الا فى حالة الدخول على اعدادت التى بى لنك وجعله يقرا التردد 13

5 - المود الخاص بالبث وهناك ثلاثه خيارات
B : فى حالة اختيارك لهذا المود الجهاز حيرمى داتا ريت كبيره لكن فى مسافه قليله وحتقل متوسط مساحه البث بتاعته ( مفضل )
G : الجهاز حيرمى داتا ريت ضعيفه لكن حتزيد متوسط مسافة البث بتاعته
B+G : متوسط الأتنين

ولكن يفضل عمل المود B
وغير مفضل بتاتاً عمل المود G
6 - عـرض بث التردد .. طبعاً ملهاش أى لازمه هنا لان أساساً البيكو والبولت بيبثوا على عرض 20 mhz
7 - تعنى اختيار الجهاز لترددات تتغير حسب حالة النويز والمسافات يفضل عدم تشغيها بتاتاً disable
8 - التردد وده أهم أوبشن وده بيتغير على حالة وحسب منطقك الجغرافيه لكن الترددات المشهوره بشغلها النضيف
3 و 7 و 9 و 11 والتردد 13 بجوار دوله spain زى ما ذكرت بالأعلى

9 - وده قوة الباور الخارجى للجهاز طبعاً حنخليه يبث بأقصى طاقة عنده ومننساش نشيل العلامه اللى قصاده علشان مش تنزل 
10 - ودى أقصى داتا ريت ممكن يتحملها الجهاز انه يبث بيها على المود الللى اخترناه المود B
حتختار أعلى داتا ريت وتعلم على auto علشان الجهاز يغيرها أوتوماتك

الداتا ريت : تعنى الباندويدث يعنى النت اللى رايح وجاى من والى الأكسسات



التشفير 
يفضل عدم عمل تشفير للجهاز فى حالة وجود سيرفر هوت سبوت لسببين
الأول : بيعمل لود بسيط على الشبكه فيتسبب ببطىء النت الى حد ما
التانى : كدعايه اى شخص حيربط على البيكو حتفتحله صفحة الهوت سبوت الخاصه بيك ويشوف عروضك وشبكتك
عامة فى حاله حبك لتشفير اللجهاز اتبع الآتى 
1 - اختار التشفير WPA2-AES ودهع أفضل نوع تشفير
وفى أوبشن KEY حتكتب لا يقل عن 8 أرقام
______________

2 - الأوبشن ده مهم جدا جدا وجميل جدا لو مثلاً فى أكسس بعيد عن البيكو واشارته قليله وعامل مشاكل على كل الأكسسات اللى عندك وعاوز تحجبه طبعاً مش حتقدر توقفه من على المايكروتك لان المايكروتك فقط مش حيديله نت لكنه ما زال رابط على البيكو .. لكن الأوبشن ده حيديك خيارين
الأول : لو حابب عدد عملا فقط هما اللى يربطوا على البيكوا ومحدش يربط غيرهم حتجيب ماكات الأكسسات بتاعتهم وتحطهم فى القايمه دى وتختار allow
التانى : لو فى أكسس اشارته ضعيفه وعامل مشاكل أو عاوز توقف أكسس معين حتحط الماك بتاع الأكسس فقط وتختار deny 
وطبعاً منتنساش فى الحالتين تعلم على أوبشن enabled

تقدر تعرف اشاره الأكسسات الضعيفه والقويه من الصفحه الرئيسه للسوفت MAIN
ومن قايمة EXTRA INFO اختار show station




صفحة network 
- لو حابب تحول الاكسس الى روتر وتقدر تخليه يشتغل PPPoE وغير وده حوار تانى 
2 - الأوبشن ده له 3 اختيارت لو اخترت none الجهاز حيعمل بطبيعيه lan حتوقف كرت اللان بتاع الجهاز ولف حوالين نفسك wlan حتوقف الجهاز أنه يبث أساسا 
3 - الاوبشنات دى حتمكنك من تغيير آى بى الأكسس وتخليه داخل رنج ايبهات شبكتك علشان تقدر تخش عليه فى أى وقت حتختار static تعنى أى بى ثابت انته اللى تختاره DHCP تعنى أى بى اوتوماتك .. حذارى شيل علامه IP ALIASING




صفحة ADVANCED

1 - أوبشن الريت هام جدا وده معناه سرعه نقل البيانات انته حاببها تكون ايه ؟؟

EWMA بطيئه
CONSERVATIE متوسطه
optimistic سريعه جدا

ناس كتيير بتفضل المود EWMA لكن المود optimistic أفضل بكتير لسرعه فى نقل الداتا عن غيره

2 - الخياره ده ضرورى لمعالجه النويز يقوم الجهاز بمعالجة النويز آالياً
النويز : تعنى الشوشره حوالين الجهاز زى شبكات تانيه شغاله على نفس التردد أو أكسسات عملا كتير أو ريبيترات او غيره الأوبشن ده بيعالجها الى حد ما
3 - مسافة البث اللى حضرتك حابب الجهاز يبث اليها وتحتها الـ ackاللى بتتناسب مع المسافه طردياً 

مش معنى ان السوفت مديك تبث لمسافه 107 كيلو انه فعلا كده لأ القصد من الأوبشن هو
الـ ack timout اللى تحت المسافه
وده شبيه بالبنج اللى نعرفه يعنى باختصار الوقت اللى حيستغرقه الجهاز فى ارسال طلب وانتظار رد
يفضل عمل الأوبشن كما بالصوره

4 - ودى أوبشنات خاصه بالمود G وبما أننا مش حنشتغل على المود ده فمتعلمشى عليها والله أعلم

5 - الخيار ده ضرورى جدا تعلم عليه وده معناه أنك بتسمح للبيكوا بارسال بيانات للأكسسات الرابطه عليه فى نفس الوقت
من مميزاته
* يقدر يرسل نفس البيانات لكل الأكسسات بمجهود أقل
* بتققل العبىء على اليبكو لأنك بتمكنه من ارسال نفس الداتا مره واحده

عيوبه انه يفضل ان الجهاز المستقبل يشتغل بنفس السوفت 

6 - شورحت سابقاً

7 - دى عامله زى اللوج فى سيرفر المايكروتك لو أنا حابب أخلى الجهاز يجبلى تقارير على أى حاجه بتحصل جوه السوفت أو مع الأكسسات يفضل عدم تشغيلها لأنه بتستهلك قدر من الميميور الخاصه بالجهاز
8 - دى اللى بتقيس لك قوة باور خرج الجهاز فى حالة تغيير الدوله .. حتشغلها علشان تقدر ترفع باور الأكسس لأقصى قوه ليه
9 - ضرورى تعلم على هذا الخيار فى حالة أنك حابب تربط موبايلات على البيكو
وله استخدامات تانيه خاصه بالحمايه من الهكر وكمان تقدر تشوف الأكسسات من الـ DISCOVERY 
وتقدر تحمى نفسك من برامج السنفر


1 - فى أربع لمبات أشاره فى الجهاز اللمبات دى مش بتنور بمزاجها كل ليد (لميه ) بتنور على حسب كل اشاره

يعنى لو اشاره أبعد جهاز -94 اللمبه الحمراء فقط هيه اللى حتنور 
ولو اشارته -80 اللمبه الصفراء والحمراء همه اللى حينورا وهكذا
ولو حابب انته اللى تظبط الليدات دى بايديك اظبطها لكن يفضل تركها افتراضيه



صفحة services
1 - الخيار ده روعه جدا جدا الشركه عاملاه لو أكسس من اللى رابطين على الشبكه وقع من البيكو البيكو يرستر علشان يجيبه تانى
طيب احنا بئه مش حنعمله لكده احنا حنعمله علشان نخلى البيكو يرستر كل فتره زمنيه احنا اللى نحددها . حنعلم على الأوبشن ده 
2 - حنكتب عنوان اى بى خارج رنج ايبيهات الشبكه خالص وليكن5.5.5.5
3- حنكتب الوقت اللى حابين البيكو يرستر كل ما يعدى يعنى مثلا لو حابب البيكو يرستر كل 3 ساعات حتكتب العدد اللى مكتوب فى الصوره ولو حابب 6 ساعات احسبها انتها بئه المهم الوقت بيتحط بالثانيه
4 - الأكسس بيدور على الأى بى ده فى غضون 15 ثانيه
5 - اعاده الريستارت لو مش لئاه

طبعاً الأفضل هوه ان الأكسس يتفصل عنه كهربا خالص لو حابب ترستره بس الخيار ده حيفيدك لو البيكو فى مكان بعيد عنك وده الحل الوحيد ادامك

وهنا بيحصل مشكله كبيره ناس كتيير شكت منها

أحياناً البيكو مش بيتقرى على الأكسسات ومش بتعرف تخش عليه مع انه واصله كهربا ولازم ترستره علشان يشتغل طب ايه سبب ده

السبب الغالب : ان مثلاُ الكهربا لو قطعت فتره وجت فكل الأكسسات اللى رابطه على البيكو بتربط فى وقت واحد والبيكوا كمان بيكون لسه بيقوم فيحصل تهنيج فى البيكو وده ميحصلشى نادر جدا فى المارد الصغير البولت لكن بيحصل فى البيكو

الحــل العملى للمشكله الغبيه دى : هوه تايمر كهربا سعره 110 جـ بتظبطه انه يفصل كهربا عن البيكو كل مثلاً 6 ساعات لمده 30 دقيقه وده حل عملى جدا


صفحه system

1 - لو حابب تغير سوفت البيكو أفضل سوفت مناسب للبولت والبيكو هو السوفت 3.4 مستقر جدا
2 - لبحث عن آخر سوفت موجود
3 - اسم المضيف - سميها اسم شبكتك أو اسم المنطقه اللى فيها البيكو علشان لو عندك أجزه يوبيكيوتى تانيه




تقدر من خلال القايمه دى تغير بيانات الدخول لسوف البيكو


1 - اسم الدخول الجديد
2 - الباسورد الحالى للبيكو
3 - الباسوورد الجديد اللى حابب بتعمله للدخول الى البيكو
4 - اعادة ادخال باسورد البيكو
5 - فى حالة رغبتك فى عمل يوزر تيم وباسورد للقرائه فقط يعنى تعمل يوزر تيم وباس لشخص يقدر يخش على السوفت لكن ميقدرش يغير أى حاجه فى أى أوبشن
6 - اليوزر نيم
7 - الباسورد







1 - لغة العرض الخاصه بالسوفت
2 - لو حابب تشيل لوجو السوفت وتحط لوجو خاص بشبكتك مكانه تقدر ترفعه على السوفت أو تحط رابط لصوره اللوجو من على النت
3 - لو حابب تآخد بيكب من الأعدادت على جهازك 
4 - لو حابب ترجع بيكب اعدادات انته أخدته قبل كده
reboot اعادة تشغيل الأكسس ( رستره )
reset اعادة ضبط المصنع













هناك تعليق واحد:

  1. ممكن السوفت الي حضرتك تكلمت علية ممكن ارسالة علي رقم الواتس اب 01221695951 شكرا لك لمساعدتي

    ردحذف

فى حاله ارسال التعليق سيكون عليك الانتظار للموافقه عليها
شكرا لمساهمتك

يتم التشغيل بواسطة Blogger.